一直為準備這感想而思考，究竟要怎樣表達呢？今朝一覺醒來，腦裡突然出現了一個問題：貧窮可怕嗎？思前想後，我的答案竟然是：不可怕！回憶小時候，雖然家庭環境未至於食唔飽，著唔暖，但實在屬於清貧家庭。家中的傢俱廚房的電器好多都係二手貨，甚至乎係喺垃圾站搬回家中的哩！小時候上學的校服係鄰居姐姐長大後不合身給我的，一年到轉季的時候總有幾件「新」衣服替換呀！爸爸媽咪沒有錢帶我去外面嗎？沒關係，樓下姨姨帶兩個囡囡去游水又會帶埋我去呀！仲帶過我去荔園添！怕沒有好東西吃？都唔驚，因為一星期總有一兩日契姨媽會帶我同媽咪去飲茶食麥當勞！貧窮一點都不可怕呀！經歷了我的童年，我學懂了珍惜，學懂了愛，學懂了感恩，甚至乎承諾了如果將來我有能力，我會幫忙其他有需要的人呀！但如果，所有以上幫過我的人從來未出現過呢？我的人生又會係點？

貧窮不可怕，反而係一份福氣，最可怕的反而係身邊冷漠的人，無視別人的需要！願意付出少少，哪怕只係一頓午餐嘅費用，就可以溫暖一顆有需要小朋友的心，祝福他／她將來可以過一個不一樣的人生，您願意嗎？